العاقل1 يهاجم من الدعوا عليه بالموت بهذه الابيات
السلام عليكم ورحمة الله وبركاته
قرينا في بعض ردود الاخوان وخاصة بطاح وهاوي نجد في غياب الشاعرمشرف المحاوره العاقل1من دفن المعاني المغلومه ضد العاقل1 في غيابه ولكن كان جمهوره حاضر يتابع مايكتب عن هذا الشاعر الخلوق ويتصلون عليه وياصله كل مايكتب هنا اول بول مثال على الردود ضد العاقل 1 رد بطاح على موضوع صاعقه تصيب نياق قرب منطقة حائل http://im2.gulfup.com/2011-04-21/1303395426481.jpg رد بطاح على الموضوع يقول اكيد العاقل1 بحائل حتى عطايا الله ماسلمت من نوب العاقل1 وهاوي نجد والراكد يقول هاوي نجد العاقل 1 والمصير المجهول ورد بطاح قال العاقل1 مات وشبع موت ثم قال عنه الراكد العاقل اللي شرى له سكس = عند الجمارك نثر عفشه المهم خلاصة الموضوع انا اتصل بي العاقل1 قال لي طلب يابو يوسف قلت ابشر قال انا مسافر واتصل بي احد اقرابي وقالي سلامات قلت خير ان شاء الله قالي مكتوب عنك انك ميت في موقع الجميع قلت اكيد لي كاتب الموضوع بطاح او هاوي نجد قال صح وصرح طشيت الشماع والعاقل1 وكتبت هذه الابيات قلت مالي الا الله ثم ابو يوسف برسلها على جواله وهو ينزلها ولكم ابيات العاقل1 الله يرده بالسلامه |
رد: العاقل1 يهاجم من الدعوا عليه بالموت بهذه الابيات
ناسن يضايقهم غيابي اليا غبت= اجل وش يسون لاصرت حاضر قالوا عليه مات يالمفتري خبت = الله لايبقي لهل الحقد دابر مالومهم لني بهم قبل شيبت= وكلن على ماقول شاهد وخابر وعطيتهم مقسومهم ثم جنبت = وشيمت خاطر بس من شان خاطر وتعيش يلي عني بغيبتي نبت = وعلمتهم وشلون معنى التظافر ويلي نشوفك للنهاية تقربت = شعرك مايسوى سطر من شعر ناصر وانا هنا موجود حاضر ولاغبت = يعني على مقيل لو غبت حاضر |
رد: العاقل1 يهاجم من الدعوا عليه بالموت بهذه الابيات
صح لسااان العاقل1 وليخسئ الخاسئوون.
قايلكم راح يجيكم العاقل1 ويعلمكم كيف تتكلمون عنه بغيابه. يمال العافية يابو يوسف على تنزيل القصيدة . |
رد: العاقل1 يهاجم من الدعوا عليه بالموت بهذه الابيات
صح السانك وعتلاشانك
|
رد: العاقل1 يهاجم من الدعوا عليه بالموت بهذه الابيات
ناسن يضايقهم غيابي اليـا غبـت اجل وش يسون لاصـرت حاضـر العاقل1 سجل اعجابي صح السانك وتقبل مروري |
رد: العاقل1 يهاجم من الدعوا عليه بالموت بهذه الابيات
هههههههههههههههههههه
صراحه القصيده قصيدة شاعر متمكن ولكن لا اعتقد انها للعاقل1 لأنه مات وشبع موت مثل ماقال بطاح وبعدين ان ذابحه بسيفي وحاذف راسه عن متونه ؟ ههههههه ولكن الله على كل شي قدير ( يحيي العظام وهي رميم ) وانا اتوقع ان اللي مكلم ابو يوسف البرمكي وقال انا العاقل1 من اجل ان ترتفع الروح المعنويه لحزبهم البايد . |
رد: العاقل1 يهاجم من الدعوا عليه بالموت بهذه الابيات
صح السان العاقل1 وسلمت يمناك يابو يوسف على تنزيل القصيده
الله يردك سالم يالعاقل1 وتقضي على هاوي نجد وبطاح والراكد وحنا معك بالمعركه ههههههههههه |
رد: العاقل1 يهاجم من الدعوا عليه بالموت بهذه الابيات
صح السانك يالعاقل ا ونقولو فل يخسا الخاسؤن والكذابون والظالمون
|
رد: العاقل1 يهاجم من الدعوا عليه بالموت بهذه الابيات
حسبي الله ونعم الوكيل على الي مايخافون الله
ياخي والله حرام عليهم يفترون على الرجال يمكن احد من اقاربه يقراء الخبر ؟؟؟؟؟؟؟ لكن بيض الله وجهه على هالقصيده الرائعه والي في مكانها (وانا اعتبرها انتصار جديد لفريق العاقل1 والعمده) ومشكور يابويوسف على النقل |
رد: العاقل1 يهاجم من الدعوا عليه بالموت بهذه الابيات
ههههههههههههههههههههههههههههههههه
هــــــــــــــــــــــــــاوي ماتخلي حركاتك سارق صح للسان الشاعر العلم العاقل 1 والبيت الاخير اعجبني جدا تحيتيييييييييييييييييييييييييي |
رد: العاقل1 يهاجم من الدعوا عليه بالموت بهذه الابيات
صح لسان العاقل1 ابداع ورد في محله وبطاح وهاوي مايلهم حيله الا اثارة الفتن ونشر الاشاعات في الموقع |
رد: العاقل1 يهاجم من الدعوا عليه بالموت بهذه الابيات
مشكور ياغازي على نقل الخبر ودامك ان الخبر منك يجوز اللي قط راسه هاوي شبيه العاقل1
|
رد: العاقل1 يهاجم من الدعوا عليه بالموت بهذه الابيات
والله اللي يوم انتهت الحرب وكل خذا قسمه من الطيب جاي يعلمنا بعلومه ماله الا هالرد ووصلوها العاقل1 ******** type="text/**********">doPoem(0)*********** ماطاب ناصر وانت بالعون ماطبت = مرسلنا غازي بعد صرت خاسر ياللي تلقيت الخلا في ضحى السبت = مافيه شي ء ن للملا به تفاخر وش جبت ياللي تكثر الهرج وش جبت = ماغير في وجه المدافع تطامر لينه كبت هاوي على برطمك كبت = خلاك عن مجلس ربوعك تهاجر وانصاب غيرك مثل ماجيت وانصبت = ولافيه رجال علينا بقادر والحين لاتقعد تهايط ترى تبت = عن حرب مثلك لاحتمى الرمي سافر |
رد: العاقل1 يهاجم من الدعوا عليه بالموت بهذه الابيات
اقتباس:
المشاركة الأصلية كتبت بواسطة هاوي نجد http://www.gazialbrak.com/vb/clubara...s/viewpost.gif هههههههههههههههههههه صراحه القصيده قصيدة شاعر متمكن ولكن لا اعتقد انها للعاقل1 لأنه مات وشبع موت مثل ماقال بطاح وبعدين ان ذابحه بسيفي وحاذف راسه عن متونه ؟ ههههههه ولكن الله على كل شي قدير ( يحيي العظام وهي رميم ) وانا اتوقع ان اللي مكلم ابو يوسف البرمكي وقال انا العاقل1 من اجل ان ترتفع الروح المعنويه لحزبهم البايد . لاياهاوي انت ماعرفتهم هذيلم عندهم عمليات استنساخ الله لايبلانا واكيد انك سمعت بالاستنساخ اظاهر اللي كنا نحارب صورهم ماهم هم فالظاهر اللي قطعت انت راسه شبيه العاقل1 و مابعد سالفة البرمكي اللي قعد يسب نفسه اللي يعفي طلع ماهو صاحي وحنا لنا شهر نتلازخ حنا وياه وكل هالخطط من تحت راس العود |
رد: العاقل1 يهاجم من الدعوا عليه بالموت بهذه الابيات
اقتباس:
المشاركة الأصلية كتبت بواسطة الكاسر http://www.gazialbrak.com/vb/clubara...s/viewpost.gif حسبي الله ونعم الوكيل على الي مايخافون الله ياخي والله حرام عليهم يفترون على الرجال يمكن احد من اقاربه يقراء الخبر ؟؟؟؟؟؟؟ لكن بيض الله وجهه على هالقصيده الرائعه والي في مكانها (وانا اعتبرها انتصار جديد لفريق العاقل1 والعمده) ومشكور يابويوسف على النقل محد قاله يحاربنا |
رد: العاقل1 يهاجم من الدعوا عليه بالموت بهذه الابيات
اقتباس:
المشاركة الأصلية كتبت بواسطة ابن الاحمر http://www.gazialbrak.com/vb/clubara...s/viewpost.gif صح لسان العاقل1 ابداع ورد في محله وبطاح وهاوي مايلهم حيله الا اثارة الفتن ونشر الاشاعات في الموقع اقول يامشرف الابل ترى مزايين ام رقيبه يدورون مشرفين وحكام للسنه الجايه الحق عليهم قبل الرجال يسبقونك خلك ولد لاتفضحنا بين العربان |
رد: العاقل1 يهاجم من الدعوا عليه بالموت بهذه الابيات
لينه كبت هاوي على برطمـك كبـت خلاك عن مجلس ربوعـك تهاجـر ههههههههههههههههههههههه لله درك يابطاح والله العظيم انك شاعر متمكن بكل ماتحمله هذه الكلمه من معنى عاد بعد هالقصيده خل العاقل1 يدور واحد ثاني يتصل عليه وينزل قصيده لانه هو مايقدر يدخل الموقع . هههههههههه |
رد: العاقل1 يهاجم من الدعوا عليه بالموت بهذه الابيات
سلامة العاقل1 ويخسى الخاسون وصح لسانه وأعتلا شانه
|
رد: العاقل1 يهاجم من الدعوا عليه بالموت بهذه الابيات
ياللي تلقيت الخلا في ضحى السبـت مافيه شـي ء ن للمـلا بـه تفاخـر وش جبت ياللي تكثر الهرج وش جبت ماغير فـي وجـه المدافـع تطامـر صح السانك يابطاح تقبل مروري |
رد: العاقل1 يهاجم من الدعوا عليه بالموت بهذه الابيات
بطاح اسم مستعار واره شاعر كبير مافيه شك بل شاعر معروف وردك هذا جعلني اتابع ملفك ومشاركاتك
وسجل اعجابي وبوابة الكشف العمده مثل منكشف عن طريقه الجحش ههههههههه |
رد: العاقل1 يهاجم من الدعوا عليه بالموت بهذه الابيات
اشكر الجميع على المرور والاطراء
|
| الساعة الآن 06:16 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir