وقت رجم الشقا من عرض من واق فيه=وسبقوني على متنه قروم العيال
بين نمة حسود وبين هذرة سفيه=اتّكالي على المحيي عزيز الجلال
الوفاء ماشيٍ به والردى محتريه=حسبي الله على الهقوه ومكر الرجال
والخطاب المبطّن والسؤال الوجيه=كلبوهن لهن مغزى وجمله تقال
ومجلسٍ مايقدّر خطوتك لاتجيه=حط بينك وبينه برزخ الأعتزال
روّض النفس وأردعها عن اللي تبيه=وكان طاوعتها غنت على ليل لال
وأعطها فرصه المسجون لمزاوريه=ودفها دفة الطاغي لمستور حال
قبل تفهم غلط معناي عرّج عليه=بكره النفس تسأل عن حرام وحلال
يامساعد ربيع يابو فيصل ياهيه=خذ عن الوضع نبذة ياكريم السبال
ياولد من تمد الجود راحة يديه=ياغصن دوحةٍ يلقى تحتها الظلال
مستحيجٍ ريال ووسط جيبي جنيه=ولازم أصرف جنيه لحاجتي بالريال
أتخذت القرار الصعب ماقلت ليه=شيٍ أكبر من الواقع وحلم الخيال
المهم أرتكيت بمرقبٍ منت أبيه=رغم طعن الزمان وضحكة الأحتيال
وأي طيب نزيه أنا خويه وأخيه=لين حمر النثايل فوق قبري تهال

ومجلـسٍ مايقـدّر خطوتـك لاتجيـه حط بينـك وبينـه بـرزخ الأعتـزال
روّض النفس وأردعها عن اللي تبيـه وكان طاوعتها غنـت علـى ليـل لال
وأعطها فرصه المسجـون لمزاوريـه ودفها دفـة الطاغـي لمستـور حـال
صح السان ابو غريب
وننتظر على احر من جمر رد الزعيم مساعد ربيع
ومشكور يابو يوسف .

قصيده تحمل في طياتها الكثير والكثير من المعاني .
صح لسان الشاعرالكبيررابوغريب وبانتظار الرد من الشاعر العلم
مساعد بن ربيع وسلمت يداك ياابو يوسف ع النقل
تقبل تحياتي وتقديري .

قصيده تحمل الشي الكثير من الابداع والمعنى
ووقفت اعجاب لثلاثة ابيات من القصيده الرائعه .
تحياتي للجميع