الذيب لا من حل بالديرة عدا=والديره ليا حل فيها شلها
يبي العشا بالدار مايحب الغدا=لو أن بعض الدار منه ذلها
والرجل لامنه مشا مشيه جدا=والدغمره واللفلفه يزلها
وأنتا وأناء كلٍ على العد يحدا=والناس تعرف دقها من جلها
ومن حولنا من حولنا سمع الندا=اللي نزل واللي بعالي تلها
بس استريح وخل في صدرك مدا=واستنبط الأمثال من محلها
واعرف ترى مامن الردي إلاالردا=لو طاب يوم اليوم الآخر علها
وإلا ترى الطيّب ليامنه بدا=لازمك فز وخوته ما تملها
لا طالت الفرجة وطال به المدا=قام يتجدد بالليالي كلها
وراعي المثل في كلمته ولها صدا=يقول فلأرض العريضة فلها
شبرٍ من البيدا كيادٍ للعدا=واللي عقد روس الحبال يحلها
والدرب صعب وفيه حدرى وسندا=ولا كل شجرة تهتني في ضلها
وأبا أسألك وأعرف سؤالي من بدا=كل الديار تشوفها وتدلها
ياسيد الأعراب وش موقع هدا=لوهي تحتها خط وش تعملها

المشاركة الأصلية كتبت بواسطة مشوح القعبوبي (المشاركة 20444) نلعب على الحبلين القصيده طيبه جدا

المشاركة الأصلية كتبت بواسطة سعودالبراك (المشاركة 20841) والرجل لامنه مشا مشيه جدا والدغمره واللفلفه يزلها صح لسانك يامحمد وتميز وأنفراد نقف عنده لنتأمل الروعه والأبداع ::

المشاركة الأصلية كتبت بواسطة راشد رباح (المشاركة 21026) صح لسانك شاعرنا قصيده رائعه تحياتى

المشاركة الأصلية كتبت بواسطة سلطان العايضي (المشاركة 21041) يعجبنا الطرح الجميل امثال هذه القصيده الرائعه أبن دهيم شاعر متالق بما تعنية الكلمة الشعرية لا تحرمنا من جديدك