ياذيب ياللي بالنويع تويقي =صوت لذيبن في عمودان ينصاك

وذيبن قنب بالدوسري مستفيقي = سلم عليه وباللغه كان موحاك

عيال هادي مرهم بالطريقي =والشيخ ابو قرنين يدم به قراك
اللي حضرهم من ربوعي فريقي =وإلا زحام الحرب ياذيب ماجاك

ياراكبن حرن معفيه راعيه =مضمون يرجاء في ليال الهدادي
هاذي تحيل له وهاذي تراجيه =ودروب عيرات اللضى له جدادي
ألياعطا الزيزاوربي مقديه =يشدي ضليمن جافلن مع حمادي
عليه منا اللي مع الدرب يعطيه =مافوقه إلا الميركه والشدادي
يلفي لمن أقبل يهلي براعيه =اللي بيوته للخلاوي تنادي
حماد ريف اللي من البعد ناصيه = لاعل عمره مايجيه النفادي
صينيته تلقابها العصب يرميه =يحط فيها من كبار النوادي
وابومفيلح جعل ربي ينجيه = كم جادلن عقب بجيبه بيادي
قدت جديد الثوب مابرقت فيه =عشيرها حامت عليه الحنادي
من سؤ نقريزن بكفه مقديه = ينخونه الظفران يوم الجهادي
يلحق ربوعن شوفهم مشفين فيه =أتلى العهد فيهم ليال العيادي
يوم نتحا المظهوروالمال يتليه =يشدي لركبن للجانيب عادي
قفوا لبراقن عيوني تراعيه =تلقى الزبيدي فيه كبر الهوادي
وليا لفيت نزولهم لاتعديه = قدام بيت حمود وط الشدادي
يذبح لهم كبشن من الضان يشريه=وإلا يجيبه من مراحه يقادي
سلم عليه وبلغ اللي حوا ليه =كل الجماعه خصهم بالعدادي
حطاطة المنسف وحذف الشحم فيه= ويوم الملاقاء سؤ اللي معادي
وعده لبو عامر لزومن تعنيه= بيته على عسر الليالي يرادي
سلم عليه وباللغه حين تاتيه =سلامن أحلى من لقيط الجدادي
وحلى من السكر ليا حط شاهيه = مع ضف بن وشاعثينه زبادي
وقله ترى منزالنا مانخليه = على بيارن فيهن الجم زادي
ونثر الحب الحمر في نواحيه= ونسقي ونرج الله ولي العبادي
وترى الهجر بعض العرب مايدانيه = وهي فعول معيلين الطراديه
واللي يبون أبان حنا لهم فيه = هذا نهليبه وهذا سنادي
ويا الله من نون يجي من مناشيه = على صدوق الغيث يزي بلادي
همال مزنن مايجينا الضرر فيه =من غب سيله يخضرن الردادي
وصلاة ربي عد حرفن كتب فيه =على رسولن للمخاليق هادي

تنوعوا ربعي مناطحت الزحام =ياالله عسى ماهي فراقن طايله
يوم أنتوا يمشوا تناخوا بالولام = ينوون ممشاء الليل مثل القايله
ياراكب اللي مابعد جاها المسام = ما طقها إلا الكور هوعمايله
تمشي من الديره لياصلى اليمام = والعصر مع ريعان سلمى مايله
تلفي ربوعن نزلهم وسط العدام = يم العروق اللي تذكر سايله
لاياعوض ياخوي مافيها ملام = يم الحيا حتى الحباري حايله
من سأل عنا زودوله بالسلام =واللي سكت خلوه محدن سايله

يامن يسويلي من البن فنجال = مثل سواتي في قديم الزماني
يومن من جاني يقول أنت رجال =لاقاصرن شوفي ولاني بواني
لياصارعندي حاضرن كل الاحوال = بنن وهيل وخالطه زعفراني
وليوم أنا شيبت ياريف الحال = يحسن علي اللي يسوي مكاني
خليتها للي عريبين الا نسال = ماهو على الطبخه شحاحن متاني
والله يعين اللي تبين بمنزال= ماهو خفي مبناه برضن بياني
مطلاع شمسن عن طويلات الاجزال= مطلاع شمسن عن مذاريب اباني
يوم نها أول ديرة لبن هذال = يومن نزع عنها خذينا المكاني
ياما فنا من نزعته جيل وجيال =واليا فنا جيلن تقفاه ثاني
وكان التمني وافقة مالها مثال =الله ينزلنا بخضر الجناني

يــوم نـهـا أول ديـــرة لـبــن هـــذال يومـن نـزع عنهـا خذيـنـا المكـانـي
يامـا فنـا مـن نزعتـه جيـل وجـيـال والـيــا فـنــا جـيـلـن تـقـفـاه ثـانــي

رحم الله والدك الشيخ/فالح واسكنه فسيح جناته
اشكرك على هذاي القصص والقصايد الرائعه

ونريد المزيدعن اخبار الشيخ /فالح
تقبل تحياتي

الاخ العزيز مبروك بن بدوي الف شكر لك على طرح هذه القصه والقصيده

رحم الله والدك والله يسكنه جنات النعيم هو واموات المسلمين
تقبل مروري

الاخ العزيز مبروك بن بدوي الف شكر لك على طرح هذه القصه والقصيده
رحم الله والدك والله يسكنه جنات النعيم هو واموات المسلمين
تقبل مروري

الاخ ابن سعدون حياك وياهلا بك بموقع الجميع موقع الشاعر غازي البراك
لي وجهة نظرعلى تعليقك أرجوقبولها برحابة صدر لو أرسلت
لكاتب الموضوع ابن عمك برسالة خاصة وان لم ينتهي الامر
وحبيت تدخل ادارة المنتدى بهذا الخصوص برسالة خاصة
او وضع تعليقك هذا بقسم الشكاوي والاقتراحات ليس مباشره
بهذا الاسلوب يكون افضل وسياسة المنتدى لاتقبل بهذا الشكل المباشر لما يترتب من خلاله ليس للجميع به فائده
وانت رجل نتعلم منك مانعلمك والمعترض عليه ابن عمك
وانتم اكبر من هذا الكلام
ارجو قبول وجهة نظري
تحياتي لك واحترامي

الشيخ/ مبروك بن بدوي
بيض الله وجهك والله يعطيك العافيه


ولازلنا ننتظر المزيد من مواضيعك الشيقه والغنيه بالمعلومات القيمه

وشكرا لك