موقع الشاعرغازي البراك موقع الجميع - القلب يحـزن والمدامـع غزيـره

- الصوتيات والمرئيات والفلاشات الاسلاميه (http://www.gazialbrak.com/vb/forumdisplay.php?f=119)

- - القلب يحـزن والمدامـع غزيـره (http://www.gazialbrak.com/vb/showthread.php?t=9819)

القلب يحـزن والمدامـع غزيـره

القلب يحـزن والمدامـع غزيـره

http://www.qassimy.com/yasser/qassimy5.rm

في جوفي ناراً من لهبها تبكيـت

والدارظلمـا كانـت أمـي تنيـره
يايمه وينك من دونك خلا البيـت

قلبي تفطرعلـى الفرقاءالمريـره
أمنـت بالله وباأقـداره ترضيـت

الموت حقٍ وكلـن لـه مصيـره
وموت النبي قبلك يايمـه تعزيـت

هذاجلالك وريحـك فـي عبيـره
كل يوم أشمه ولاشفتـه تهنيـت

صوتـك يايمـه يامحـلا أثيـره
حنانـك يمـه يخلينـي تدفـيـت

من يوم رحتـي والمشاعرأسيـره
محداً يفضفضه و ابصمتي تسجيت

يايمـه منهو أجيلـه وأستشيـره
يعدلني لا شفت الصواب وتنحيـت

يايمـه كلـن يناظرلـي بحيـره
من يوم رحتي وأنا اللي ماتواسيت

يوم كنتي عندي كني أمير ديـره
كلن يناديني يقولي تعـال هيـت

ويوم رحتي يمه وكني في جزيره
و حيداً فيها عن الناس تواريـت

أجي دويخ فـي وقـت الظهيـره
محداً سأل عني يقولـي تغديـت

وأبيت ليلـي وعيونـي سهيـره
كم من ليالـي نايمـاً ماتعشيـت

ظروفٍ يمـه تواجهنـي عسيـره
ألشكـوا لله بظروفـي تعنـيـت

ياكم تعلـم مـن معانـي غزيـره
يامنهـل التعليـم منـك تربيـت

كم قصةٍ قلتي وللماضـي نسيـره
ولا جيت عندك سواليفـك تسليـت

آآآه يا يـمـه نظراتي الأخــيرة
مليـت كفـي تربـاً ثـم حتيـت

أبشـري يمـه بدعـوات كثيـره
كل ما ذكرتـك وللرحمـن صليـت

http://www.yesmeenah.com/smiles/smil...1-%20(197).gif