تنسيق محاورة الشاعر /عابد البراك والشاعر/ الفارس
http://www.3deeel.com/vb/images/bsm.gif السلام عليكم ورحمة الله وبركاته اليوم جايبلكم محاورة الشاعر/ عابد البراك والشاعر/ الفارس عابد البراك سلام تسليمة وفاء لاهل الوفاء من وسع بال=اقولها وانا اتفقدها قبل منقودها حنا رجال المجد والتاريخ من ماض الليال=يشهد لنا التاريخ في بيض الليال وسودها الفارس يامرحــبا بك مـــثلها رده ولله الكــمال = والنــاس ياعــابد تــقدم للــبرا ماجــودها مداح نفسه للعرب يضرب بها كل احتمال = وانا ماذمك مير خلق الله هذا مردودها عابد البراك دام البقاء وحسب حسابك للخفابف والثقال=وحسب حساب الهوشه اللي جرها مقرودها صحيح لاكن الحقيقه ماتساوى بالخيال=عندي على ماقلت يالفارس جميع اشهودها الفارس الله يكافيك المشاكل من جنوب ومن شمال = الكلمه اللي قلتها ياصاحبي لاتعودها ترى السوالف كلها نقد الذهب ولا الريال = والدار ياعابد رحـمك الله حـماها جنودها عابد البراك عزالله انك فاهمن ماقلت مافيها جدال=وانا بغيت الفها واصبحت انا مقصودها مديت الك مده جزيله وانت ياراع الجزال=تستاهل المدات مني بالذهب ونقدودها الفارس بعض السوالف ماعليها ياصــحيبــي اتكــال = وعـــقــول خــلق الله لايـــمكــن تــعـــدى حـــدودها انت الذهب كله ياعابد والذهب تحت الرمال = يــوم الرمــال الحــمــر هــاك الوقــت تظــهر دودهـا عابد البراك اليا متى وانتم على هالحال ياراع الجمال=اجمالكم تمشي غفل والغفل بيض اخدودها من بعد هاذي ياصحيبي وش تقول ويش قال=قول الحقيقه لاتخفيها وبيح اسدودها الفارس نفس الكلام اللي تقوله يلحقك مثل الظلال = حتى الحبال الموثقه ينحل كل عقودها قلـت الحقيقه والاعاده مالها الحينه مجال = واليا جـهلــت الدرب مازل البلد منشودها وسلامتكم اخوكم / وليد البراك |
رد: تنسيق محاورة الشاعر /عابد البراك والشاعر/ الفارس
صح لسانكم
انا مع الفارس ابو نايف |
رد: تنسيق محاورة الشاعر /عابد البراك والشاعر/ الفارس
صح لسان الشعار
وكانت بصراحه محاوره جميله ومشكووور ياوليد على التنسيق |
رد: تنسيق محاورة الشاعر /عابد البراك والشاعر/ الفارس
اقتباس:
المشاركة الأصلية كتبت بواسطة عوض البراك http://www.gazialbrak.com/vb/gk/buttons/viewpost.gif صح لسانكم انا مع الفارس ابو نايف شكرا لمرورك على موضوعي وهذا شرف لي ووسام على صدري |
رد: تنسيق محاورة الشاعر /عابد البراك والشاعر/ الفارس
اقتباس:
المشاركة الأصلية كتبت بواسطة ابن الاحمر http://www.gazialbrak.com/vb/gk/buttons/viewpost.gif صح لسان الشعار وكانت بصراحه محاوره جميله ومشكووور ياوليد على التنسيق شكرا لمرورك على موضوعي وهذا شرف لي ووسام على صدري |
رد: تنسيق محاورة الشاعر /عابد البراك والشاعر/ الفارس
انا والله اعتز اني اشارك على موضعك
|
رد: تنسيق محاورة الشاعر /عابد البراك والشاعر/ الفارس
اقتباس:
المشاركة الأصلية كتبت بواسطة عوض البراك http://www.gazialbrak.com/vb/gk/buttons/viewpost.gif انا والله اعتز اني اشارك على موضعك تسلم طال عمرك |
رد: تنسيق محاورة الشاعر /عابد البراك والشاعر/ الفارس
لا هنت ياوليد على تنسيق هذه المحاوره الاكثر من رائعه ..
بين شاعرين رائعين .. عابد البراك ** الفارس .. وتقبل وردي وردي .. |
رد: تنسيق محاورة الشاعر /عابد البراك والشاعر/ الفارس
ياسلام عليكم محاوره جميله في الحقيقه وانا لفت انتباهي عدة اشياء بالمحاوره وحبيت اعلق عليها واتمنى من الشاعرين والمتابعين تقبلها بصدر رحب اولا لفت انتباهي رد الفارس في البيت الثاني عندما قال مداح نفسه للعرب يضرب بها كل احتمال = وانا مااذمك مير خلق الله هذا مردودها ففي هذا البيت اجتمع النقض والفتل بااسلوب لطيف يطرح الشاعر فيه وجهة نظر متداوله بين الناس وكان فيها عدم التقليل من الشاعر المقابل والذي زاد البيت جمالا ان الفارس اعطى روح للمحاوره وتوجه اخر للطاروق وهذا يحسب للفارس لان بعض الشعراء قد ينقض البيت نقض كامل ويبتر المعنى ويميت الطاروق او يصادق على المعنى ويميت الطاروق ايضا ولكن الفارس كانه يقول لعابد ياعابد انا جاي ابلعب ولذلك لانستغرب ان المحاوره تخرج بهذا المظهر الجميل حيث ان عابد شاعر متمرس ومبدع واللي خلاه يبدع بازدياد مقابلته لشاعر يريد الابداع ولذلك وضح في الابيات التاليه احترام عابد للفارس وثناءه عليه وكذلك الفارس اللي حس ان امامه شاعر يوجهه للابداع هذي واحده الثانيه بيت للشاعر عابد ونقض من الفارس وبيت من الفارس ونقض من عابد لعلنا نبداء ببيت عابد لوكان هوالاخير لكن مايضر حتى تتضح الصوره يقول عابد الى متى وانتم على هالحال ياراع الجمال = اجمالكم تمشي غفل والغفل بيض خدودها هذا البيت يتضح انه اشكل على الفارس والدليل رده يقول نفس الكلام اللي تقوله يلحقك مثل الظلال = حتى الحبال الموثقه ينحل كل عقودها فالفارس رد الجمل بماحمل لعابد وهذا تصرف ذكي ولكنه اوضح للملا انه اشكل عليه فهو تفاداه حتى يخرج من المشكله في الجانب الاخر يقول الفارس انت الذهب كله ياعابد والذهب تحت الرمال = يوم الرمال الحمر هاك الوقت تظهر دودها رد عابد يقول من بعد هاذي ياصحيبي وش تقول ويش قال = قول الحقيقه لاتخفيها وبيح سدودها نرى ان عابد رده يحتمل عدة امور منها 1_ انه فاهم للمعنى ولكن يريد من الفارس تاكيده 2_ انه فاهم المعنى ويريد ان الفارس يسمعه للجميع 3_ انه اشكل عليه المعنى وقال قول الحقيقه والحقيقه اللي يقصد عابد التي هي في صالحه لوسوينا مقارنه بين النقضين نرى ان عابد سيرها على عدة اتجاهات بينما الفارس حكرها على اتجاهات ضيقه هذا لايقلل من شاعرية الفارس لاوالله لكن اللي فرق الفارق العمري والتجربه بين الشاعرين اللي رجحت كفة الشاعر عابد في النقض على العموم يبقى ماقلت وجهة نظر وضعتها بين يديكم تحتمل الصواب والخطا وتحتمل الاثنان وفي الختام اشكر الاستاذ وليد البراك على سمو ذوقه في اختيار مثل هالمحاورات الجميله |
رد: تنسيق محاورة الشاعر /عابد البراك والشاعر/ الفارس
صح لسان الفارس وعابد البراك
|
| الساعة الآن 02:42 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir