يا كاتـب الشعـر وزن الشعـر قيفانـه=شعـرن بـلا قـاف هرجـه للمساكينـي
الشعـر زانـت بيوتـه وحكـم أوزانــه=الشاعر اللي يعرف الزيـن والشينـي
ماهـو بطالـب شهـادة نــاس تعبـانـه=يكفي شهادة شواعيـر(ن ) قديمينـي
والمدح باللـي يصيـر المـدح برهانـه=لاخير فـي مدحـة(ن) مالـه براهينـي
والشـكـر لله ولــي الـكـون سبحـانـه=ثم الشكر للسعود اللـي علـى الدينـي
الخـيـر مـاسـكـروا دربـــه وبيـبـانـه=والشـر حطـو علـى دربـه عناويـنـي
اللي يباء الشـر يلقـى الشـر بوزانـه=لكـن تـرى الشـر تحكمـه القوانيـنـي
يا مشعل النـار راسـك وسـط دخانـه=وين انت رايح مع دروب الشياطيني
ياضايـع الفـكـر يـادانـه عـلـى دانــه=قدامـك السيـف وسهـوم السلاطينـي
اللي يبـاء العـز يسمـع قـول شيبانـه=الشايـب مـجـرب الـشـدات والليـنـي
مرت عليه السنيـن وشافـت اعيانـه=عجايـب الوقـت وسلـوب المعاديـنـي
والدين معـروف كـل الخيـر عنوانـه=سـنـة محـمـد وغـيـره مالـنـا ديـنـي

سمعة غازي يجر الصوت بالحانـه=وكنه على اللي نوا قلبـي يوصينـي
الشعر مركب وابـن بـراك ربانـه=ولاهي غريبه يا وافين الموازينـي
انتم هل الشعر واهل الرمح وسنانـه=وافين وافيـن فـي كـل الميادينـي
من لا بة(ن) لا غشى بالجو دخانـه=وقفاتهـم بالملاقـا تقضـي الدينـي
ادليم تشهـد بفعلـه كـل عدوانـه=في ماقف(ن) سال به دم الشرايينـي
ضربة يمينه لصار بنفس زعلانـه=تفتح بصدر العدو مثـل البراكينـي
ومثل السحابه على ضيفه وجيرانـه=هملول غيث(ن) يغيث المستغيثينـي
راع البويضا يا نعم(ن)به وبخوانـه=عسـاه بيـن الصحابـه والنبيينـي
واسلم وسلـم عـدد ماهـل ودانـه=من مدلهم (ن) يسر البال والعينـي
على فياض(ن)شجرها تعجب الوانه=امفتح(ن) وردهـا مثـل البساتينـي
يالشاعر اللي تصب القاف باوزانـه=صب اشقر البن من رسلان بالصيني

المشاركة الأصلية كتبت بواسطة عبدالرحمن البراك (المشاركة 1024) صح لسانكم جميعا وماننحرم من جديدكم الراقي تقبلوو مروري ودي

المشاركة الأصلية كتبت بواسطة صادق النظره (المشاركة 1046) انا اشهد ان اللي يبي العز يسمع قوول شبانه صح يالسانك ياشاعرنا الرائع تشرفت في الغوص في بحور شعرك الراقي