ياعين هلي صافي الدمع هليه قصه وقصيده
بسم الله الرحمن الرحيم
الاخوان في موقع الشاعر غازي البراك والزوار الكرام السلام عليكم ورحمة الله وبركاته اخواني قصيده كثير مانسمعها في المجالس وكثير مانرددها . والقصيده لشاعرة من شاعرات العرب وهي من قرية عين قنور احد قرى القصيم تقع بين القصيم والدوادمي وقد توفيت في قريتها المذكورة في عام 1355 هـ الشاعرة نورة الحوشان ويقولون سبب القصيده انه صار خلاف بينها وبين رجلها وتطور الخلاف مما ادى الى الطلاق والانفصال النهائي عن بعضهم ويقولون انه عقب الطلاق جاها خطاطيب واجد وهي ترفض . وفي مرة من المرات كانت تمشى هي وعيالها ومرت من عند مزرعة لاابو عيالها اللي طلقها وراحو العيال يركضون بيسلمون على ابوهم وهي وقفت تحتريهم في طرف المزرعه وقامت عاد تذكر الايام ووشلون صاروا . وقالت : هالقصيده الى صورة فيها هالحاله وهي تعتبر من اجمل القصايد العاطفيه ياعين هلي صافي الدمع هليـه واليا انتهى صافيه هاتي سريبه ياعين شوفي زرع خلك وراعيه شوفي معاويده وشوفـي قليبـه من اول دايـم لرأيـه نماليـه واليوم جيتهـم علينـا صعيبـة وإن مرني بالدرب ماقدر احاكيه امصيبة ياكبرها مـن مصيبـة اللي يبينا عيٌت النفـس تبغيـه واللي نبي عيا البخت لايجيبـه |
رد: ياعين هلي صافي الدمع هليه قصه وقصيده
فهـــد العتيبــــي بيض الله وجهك على هذه القصة والقصيده التي تعتبر فعلاً من اجمل القصائد العاطفية تقبل مروري وخالص تحياتي |
رد: ياعين هلي صافي الدمع هليه قصه وقصيده
مشكور على نقل هذه القصه والقصيده الله يعطيك العافيه
|
رد: ياعين هلي صافي الدمع هليه قصه وقصيده
اللي يبينا عيٌت النفـس تبغيـه
واللي نبي عيا البخت لايجيبـه مشكور علي النقل |
رد: ياعين هلي صافي الدمع هليه قصه وقصيده
مشكور على القصه الرائعه
الله يعطيك العافيه |
رد: ياعين هلي صافي الدمع هليه قصه وقصيده
وإن مرني بالدرب ماقدر احاكيه
امصيبة ياكبرها مـن مصيبـة الله اكبر تصوير الاحداث بالماضي اوثق من تصوير الكامرات الرقميه مشكور يافهد قصه عجيبه |
رد: ياعين هلي صافي الدمع هليه قصه وقصيده
ياعين هلي صافي الدمع هليـه واليا انتهى صافيه هاتي سريبه ياعين شوفي زرع خلك وراعيه شوفي معاويده وشوفـي قليبـه من اول دايـم لرأيـه نماليـه واليوم جيتهـم علينـا صعيبـة وإن مرني بالدرب ماقدر احاكيه امصيبة ياكبرها مـن مصيبـة اللي يبينا عيٌت النفـس تبغيـه واللي نبي عيا البخت لايجيبـه فعلا قصيدة رائعه مشكور على النقل الرائع تقبل مني فائق الاحترام |
رد: ياعين هلي صافي الدمع هليه قصه وقصيده
اقتباس:
|
رد: ياعين هلي صافي الدمع هليه قصه وقصيده
بيض الله وجهك ياولد الهيلا على النقل القصه الجميله
|
رد: ياعين هلي صافي الدمع هليه قصه وقصيده
قصه رائعه من القصص الجميله الصادقه والأجمل القصيده التي تحمل معاني رائعه***********
واشكرك الأخ العتيبي على المعلومه الطيبه ،،،،،،،،،،،،،،،،،،، تقبل خالص تحياتي×××××××××××××××××××× |
| الساعة الآن 12:53 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir