اقبل يالواصل
ياسلامي سلام اسلام سلم وسلام ــــــــــ مسلم ٍ سنة المختار يبديبها قوم يالواصل المسرى جنوب ٍ وشام ـــــــ به ربيع ٍ يذكر في لواهيبها |
رد: اقبل يالواصل
مرحبا كافيه تمشي بحسب النظام = كــل كــلــمــة عـقل حنا نحييبها
البقى للولي والمعرفه والدوام = وسود الايام محدن كاشف ن غيبها |
رد: اقبل يالواصل
البقا بالمرحب عد وبل الغمام ـــــــ واللحا قدرها من قدر اشانيبها
البقا للولي والنور يجلا الظلام ــــــ واهل العلم ماتجهل مكاتيبها |
رد: اقبل يالواصل
كيف حالك عسى وضعك معانا تمام = واضح انك علوم الطيب تدريبها هههه
ياوسيع المعرفه مايفيد الكلام = دام مافيه ديره عاوي ن ذيبها |
رد: اقبل يالواصل
والله اناء كعام الخصم وقت الزحام ـــــــ مير بعض السوالف لا تهذريبها
لاهنفت للصحيب وطار عنها الثام ـــــــ هنها ياوسيع العرف بصحيبها |
رد: اقبل يالواصل
هذي علومكم ياصحــابنا كل عام = مـيـر مابه بشارة خير تاتيبها
ليت يصبح كلامك صح ياهالغلام = لاجل بالفرحه الكبرى نغنيبها |
رد: اقبل يالواصل
اعلومنا شرفتنا مع رجال ن حشام ــــــــ والسماجه نصيب اللي يباهيبها
انت تجمح ولاكن ضعت وسط العسام ــــــــ فرحتك فرحة ن غطتك في عيبها |
رد: اقبل يالواصل
انت راسك تدسه مثل راس النعام = وين لك قوة ن عظمى تماريبها
يـاذلول ن مع البيدا تطش الخطام = انحنى راسها لاسفل عراقيبها |
رد: اقبل يالواصل
حيلتك حيلت العاجز هوين العظام ـــــ ماتسره بعد دارت دواليبها
الجمل هادرن وانته بحلو المنام ــــــ لاتطالب ذلولك ثم يسريبها |
رد: اقبل يالواصل
كفووووووووووووووووووووووووو
عااااشوووووووووووو |
| الساعة الآن 02:56 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir