جـاوه(و)الـسماوه
السلام عليكم ورحمة الله وبركاته اخواني الاعضاء والزوار كل عام وانتم بخير لكم مادار بيني وبين الشاعر والاخ الكبير/ مهل الرويضي اقول : والله اني يازبون الحرد توي = شفت ناسً ماتفيد ابها الهداوه أكتشفت عيوبهم من ضوح ضوي = قبل لاسلط عليهم بالاضاوه التغطرس واللعانه والتلوي = ميزةٍ فيهم خبيثين اللغاوه يازبون الحرد قلي ويش اسوي = لاخذ الغالين في ذنب اللعاوه أن تساقط فوقهم يالقرم نوي = شلتهم من حدنا لحدود جاوه وان تكدر يامهل بالحيل جوي = والله ليشكون من كبر القساوه كل مجنونً وله مثله مهوي = لافقد عقله بيمناه السطاوه للجهل جهال ورجالٍ تخوي = علم اللي مايجيدون التلاوه شعر : عبدالرحمن صامل الرشيدي وقال : يامتسبب بانفعالي وبهدوي = ودي آسمي ولا تنسى السماوه ابتعادي شين ومصيبه دنوي = حايرٍ بين الحضاره والبداوه لاتنشدني وانا منك متروي = يانهر : عذب وحوى مرّ وحلاوه خلها في دربها مع كل دوي = تطوي الجردا غبى ولأ صحاوه سو مثلي لاتكن ولاتنوي = اكرب حزامك على عز ونقاوه اكثر العالم ماشوفه من علوي = ومن يرافقني يبي يلقى حفاوه ولاعلي خلاف لابين عدوي = البلاء من مايبين لي عداوه قلتها والعلم يبغى له تروي = ومن زعل بقريح ماعندي رضاوه شعر : مهل الرويضي تقديري للجميع |
رد: جـاوه(و)الـسماوه
وعليكم السلام ورحمة الله وبركاته
وأنت بصحه وسلامه يالغلا وصح الله لسانكم .. وبيض الله وجيهكم. واعتلا شانكم ويعطيك العافيه ع النقل .. ويسلم يمناك ولايحرمنا جديدك المميز دمت بخير مع التحيه دلوعته : |
رد: جـاوه(و)الـسماوه
وعليكم السلام ورحمة الله وبركاته
ياهلا ومرحبا بالشاعر ورجل الاعمال النهر عبدالرحمن بن صامل حفظه الله ورعاه ان من دواعي السرور ونجاح اني ارى اسمك في هذا المنبر الاعلامي يعلم الله ان لك عندي مكانه لاعدمناك يابو نشمي من طرف القصيده الصوت رائع في كل ماتحمله الكلمه جوده واختيار قافيه صعبه وصدى من شاعر القمه شاعر المفردات الجوهريه ما شاء الله عليك يابو لمياء مع صعوبة القافيه كان الابداع من نصيبك وهذا ماهو غريب عليك معروف عنك الابداع صح الله السنتكم ابداع في ابداع |
رد: جـاوه(و)الـسماوه
مشكورررررررررررررررررررر
|
رد: جـاوه(و)الـسماوه
وعليكم السلام ورحمة الله وبركاته
صح الله السنتكم ابداع في ابداع ويعطيك العافيه |
رد: جـاوه(و)الـسماوه
الله اكبر
صح مليون صح لكما |
رد: جـاوه(و)الـسماوه
وعليكم السلام ورحمة الله وبركاته
وانت بصحه وسلامة,, وصح الله لسانكم واعتلا شانكم وبيض الله وجيهكم صح الله لسانكم مليووون ولا يكفوون باقات وردي,, |
رد: جـاوه(و)الـسماوه
ابداع من كل الشاعرين بكل ماتحلمه كلمة ابداع من معنى
القافيه اوه قافيه غير متكرر وصعبه ومع ذلك طوعه الشاعرين واصبحت ميزة القصيده وياليت يستمر نهر الابداع من الشاعرين . |
رد: جـاوه(و)الـسماوه
دلوعته
شكرا لمرورك وامضاءك على صفحات اشعاري |
رد: جـاوه(و)الـسماوه
اخي الشاعر والاعلامي القدير غازي البراك
تحيه من القلب لك هذا الصباح ولما تقوم به من جهود بهذا الموقع وبالمواقع الاخرى التي من خلالها تخدم المورث الشعبي وبشكل عام ولما يتعلق بالقبيله بشكل خاص وهذا ليس بغريب على احدى سلالة ال براك الكرام يعلم الله يابويوسف انني اسعد كثيرا عندما ارى احدى المواقع المذيله بسم احدى افراد هذه القبيله يخرج للنور ويضيف لما سبقه من المواقع مايحافظ على ترابط وتماسك ابناء القبيله وهذا الموقع احدى هذه المواقع ويعلم الله انني مقصر مع هذا الموقع ومع المواقع الاخرى لكثرة مشاغلى وعدم تفرغي وانت اقرب الناس لي وتلمس ذلك القصور مني في الدواوين لذلك اقدم اغتذار لجميع المواقع العبسيه من خلال هذا المتصفح اخي ابويوسف غمرتني بثناء ومديح افتخر به وتاج على راسي من مثلك وشرواك اشكرك كل الشكر على ماقدمته لي رفع الله شانك وعلى مقدارك ودعواتي لك بالتوفيق والنجاح اخوك ابونشمي |
| الساعة الآن 12:35 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir