الله من طير نقلته بيمناك=مايطلع إلا موكد .. له حباري
ياما قنصت وتاخذ الربع وياك=موترك دايم مقدم للمباري
معك الحرار وديرة القفر ملفاك=قلت : الحرار آسف أنا وأنت داري
الحر ماهو طيرك الحر شرواك=اللي على صكات الأيام ضاري
والا الطيور مصقره من فداياك=ماهي حرار طيور بايع وشاري
حتى الردي اللي كَرَم عنه ماطاك=يقنص بها بين الدمث والخباري
والا أنت مدة طارفه من عطاياك=تستر لها وجه من الفقر عاري
ما أقول غير أسمع عسى الله يرعاك=ويثبتك يوم الوقوف الأجباري
وإلا أنا أعشق على القاع ماطاك=طبايعك زادت (يابوي) أفتخاري