ياشاعر الاجيال مسيت بالخير= انته متدري وش حصل يالسنافي
الاوسمه ولابها عمر وعمير= وانا وابو وزره نعود خلافي
جينا ضيوف اموقعن للمشاهر= بني رشيد اهل القلوب النضافي
لكن ماشفنا من الربع تقدير= روح بها الدربيل يالله تكافي
والمهترش عنده دروعن طوابير= من الذهب صفرن تلامع نضافي
وشاعر شمل يشكر بكل التقارير= في شهرته يشبه لصقر النصافي
وما ثويمر لان مع دهنت السير= عبا المخابي وهو من قبل حافي
والمعتبر له قصتن واضحه غير= ياكل ويجحد ماكتبه الصحافي
وسعود بن عجوين مشغول بالطير=مشغول قلبه مع صحار وفيافي
يجهم ولايرجع سوى دكة عصير= يبغا الحباري بالسنين العجافي
مجنون ماباعه وحط المغاتير= وريح ضميره بنتهاي المطافي

يالبرمكي للضيف حشمه وتقدير =انته وبو وزره عساك متعافي
بني رشيد مكرمـين الخطاطير= اهل السمينه بالسنين العجافي
لاتقول منهم جاك ياشين تقصير= كانك من المعبود ربك تخافي
انت تقـــول فلان وتعد وتشير=تحسدهم الارزاق يالله ياكافي
الشاعر اللي سطر القاف تسطير = الشاعر الدربيل ماله منافي
والمهترش معروف شعره عن الغير= شاعر بحر ولاعليه اختلافي
وشاعر شمل عبس الرجال المناعير = شعره ماهو شعر حديث خرافي
وثويمر اللي لقبوه المشاهير= هو عاقل الشعار بالشعر وافي
والمعتبر له جزل الاشعار تعبير= خصمه من ابيتوته يجيه ارتجافي
وسعود ابن عجوين ريف المسايير= بالمرجله والشعر رجل يشافي
يالبرمكي لاتحسد الناس مايصير= مانت الوكيل برزق ملفي ولافي
فسر عن ذراعك على جمة البير = انته وابو وزره ولابه خلافي
ولاجيت بالدره تبي تبشر بخير= ويصير لك سهم بشركة مصافي
وتاخذ وسام ولو تبي معه تصوير = ونقول ابو وزره خوي السنافي