******** type="text/**********">doPoem(0)***********

اكذب عليك ان قلت طيب ومرتاح=واني بخير وحالتي ماعليها
لو ينبش عروق الغلا شخص جراح=يلقي المفارق لعنن والديها

لا تعتذركافي يجي منك و أكثر=ما جى على بالي خطاك أنت بالذات

المشكله لاصآر حولي واشوفه=يضحك معآ غيري ولا اقدر احآكيه

انت من جدك من العالم تغآر=يآحبيبي العـين غيرك مآتبي
لايهمك شي لو حولي كثآر=مآبي غيرك هواي ومطلبي

الـحـلــم يـاتـيـنــي بــزولـــك واراعــيـــه=وفـــي كـــل حـلــم اقـــوم قـبــل اتـحـفــاه
اعـشـق سمـيـك فــي البـزاريـن وادعـيــه=واقـبــل خـطــاه الــــى اخــطــا واتـلـقــاه
واسـمـك يـروعـنـي الـــى مـــر طـاريــه=واحـــب مـلـقـوف ٍ يـسـولـف وطــــراه
وامــر بـيـتـك مـــن بـعـيـد ٍ ولا اجـيــه=وانـــا لـونــه فـــي يــــدي مــــا اتــعــداه
حـتـى (تـوايـر) (مـوتـري) تلـتـفـت فـيــه=تبـغـي تـلـف ويسـتـحـي الـعـقـل والـجــاه

آلحآجه آللي عجز فكري يفسرهـآ=إني تسآهلت هجرآنك و أنآ آحبك

حدتني ظروف الزمن والليالـي=اجامل اللي مالهم قيمه وشـان
وانا من اللي يحتمـون التوالـي=اللي لهم في قمة المجـد عنـوان
لكنها الدنيا على كـل حالـي=مرات تضحكلك وتنهيك بحيان

خلها على الله ليه احسب المخاسير=ما راح راح وما بقالي بقالي
الحظ مقفي والليالي مدابير=عسى العوض في مقبلات الليالي

العام اجيهم من حساب المسايير=واليوم حال عداي وينه وويني
خطاي بتعليق الأمل فالمدابير=الين راح وشفت حقري بعيني
صبر جميل وخابر انها مقادير=والله على تخفيف حزني عويني

كل شئ راح في درب وسـرى =إلا شئ بالحشـا عيـا يـروح
ياوزين الروح ويش اللي جرى=غبت عن عيني وخلفت الجروح

تأخذني الذكرى لوقت" مضالـي=واعيش فيها ساعت" تطرب البال
فيها اتذكر صاحب" حيل غالـي=وانقطعت اخباره ولافيه مرسال
مدري زعل ولا لقالـه بدالـي=مير الوكاد انه معي خوش رجال
يالله يـارب عليـه اتكـالـي=انك اتسامحنا على كل الاحـوال

ان جيت ابرحل لوعتي صاحت ارجع =وان جيت ابرجع عزتي هزت الجرح

الله من ليل به الخاطر يضيق=واصير في بحرن من الحزن غارق
واجر فالقلب المعنا طواريق=من ضيقه فالصدر عيت تفارق
لاجاتنتي اقول هذي توافيق=واشوف في عرض السماوات بارق
واسوق رجلي واتحرا الصواديق=ومافي البحر غير السمك والزوارق
ياقلب لاتحزن وخل المعاليق=تفرح على ليل اللقا والمفارق
يارجل سوقيها على قمه طويق=بحط في راس الطويله بيارق
يا الله ياعالم بحال المخاليق=لاجا طلوع الفجر والنور شارق
تلطف بحال اللي من الهم مافيق=لاشفت ليلي من عيوني تسارق
ياويل قلب عند سيدا لغرانيق=متعلق فيها سوات العشارق

لـولاك يالي سواليفـك تسليـني=ماجيت عاني على الكيبورد والشاشه

مآدرينـآ عن دنوعٍ على الجرّه يحـوس=يحسب آنّـه صـآر حآجه وهو من جنبهـآ
من خلقنـآ اللـه وحنّـآ عزيزن النفوس=مآنوطّي شمـّخ الروس غير لـ ربّهـآ

يآ الرياض شوفي حزينك=ضاق بـ’همومه وفاض
إرسمي الفرحه بعينه=يرحم أمك يآالرياض

******** type="text/**********">doPoem(0)***********

تدري وش اللي هزني يوم قفيت=دمعت عيونك حسبي الله عليها

كـــــن في قلبي لهب نار قوم(ن) نازلين= اشــــــعـــلوها في الخــــــلا والهبوب تلوفها

هيهات هيهات واللي ما يطول العنب=يشره على شجرته لو طال عنقوده
والجادل اللي تفاخر بالحسب والنسب=وشلون ما تفتخر لاعدت جدودها

ماهوب عيب إليا بكيت اللي على بعده بكيت=رجال وابكيلي على رجال وين المشكله

قالوا تحبه قلت مــا هو بالحيل=بس انه أغلا شوي من نور عيني
يسوى جميع الجيل الأول وهالجيل=واحبابي المــــاضين والمقبليني

الذيب ماهرول عبث والطق في الميت حرام=والحر تكفيه الاشاره لابغيت تعامله
لامن صحبنا ماصحبنا الا رفيعين المقام=الكير نحرب نافخه والمسك نعشق حامله

الحقيقة مـا على الدنيــا عتب= لا تجاملني وأنــا عيني تشوف
أبتعد مــا بيك لا تبـدي سبب=القصيدة تعشق إبـداع الحروف

يا قبر أعز إنسان غالي رقد فيـك=خفف عليه من التـراب الثقيلـي
يا قبر ماني طيب عقـب راعيـك=اللي رعاني صـار عنـدك نزيلـي
أغليك أنا يا قبر من حب راعيـك=مرحوم يا راعي الوفـا والجميلـي
ياللي سكنت القبر صوتي يناديـك=موتك جرح قلبي وهديـت حيلـي
ما أنساك والله لين قبري يوازيـك=وأعلن من الدنيا العريضه رحيلـي
وأمـوت كـل مـا حـل طاريـك=كنت أفتكر عمرك معانـا طويلـي
يبكي عليك البيت من عرض أهاليك=لي دخلت البيـت دمعـي يسيلـي

من طبعي اضحك للبشر واخفي الكي=عند البشر معروف طبعي مزوحي
يـامـا طـويـت هـمـوم نـاسٍ لـهـم طـي=واللـي يـجـي مهموم همه يروحي

غيرك اذا مادق قلنا سهلات=يعني بلا حقران ماهو ضروري
بس أنت صوتك غير كل الأصوآت =ماغير صوتك صوت يحرك شعوري
من جد وينك؟ ليه غايب ؟ سلامات=شف كيف بارد في غيابك حضوري
بلاك ماتدري بحجم المعاناة=لاغاب صوتك غاب معنى سروري
يامن على عهدك عرفت المسرات=وانقذتني من وسط غبة بحوري
جيب وملا حبك كل الفراغات=وماغيرك احد صار يرضي غروري
مالي غنى عنك ولا لي خيارات=لاجيت ابنساك جاوب القلب Soory

تعال شفني لاأبتدأ الليل وايقنت=أني بعيش الليـل وحـدي بدونـك
اضغط على الفاره واطقطق على النت=اقرأ قصيد الناس واذكـرعيونـك

ماهو ضروري نعتذر يوم نخطي=بعض العذر للذنب مثل الإعادة
لكـن أنـا راح أعتـذر كثـر مــا أعـطـي=آسف لأنّي كنت طيّب زيادة

كنت احسب أني يوم فرقاش بنساش=وأثري عجزت انساش وانتي نسيتي
من وين ما سقت القدم حل طرياش=حتى وأنا أقهوي ضيوفي طريتي

ري وش أقسى جرح في قلب الإنسان=وألعـن مفاهيـم الجفـاوالإهانـه
شيء وتعدى مرحلة قدر الإمكان=وأحــرق عبارات الدلع والميانه
إنك تحطّ إنسان في قلبك أزمــــان=ويجازي سنين الغلا با الخيانه

ألا يا هني الطير لا ضاق صـدره طـار=تشيله جناحينه علـى كيـف مـا وده
ألـيــا جـفـتـه الـــدار دور بـدلـهــا دار=وهمه على نفسه ولاحد بحث سده
أجامل مع العالم وأنـا ضايـق ومحتـار=وكني سجين حط بالسجن لـه مـده

طيب النوايا ترفع الآدمي فوق= وأنا مطيـّب نيتي وأنت خابر
وأكبر دليل إني معك وافي و ذوق=شفني على كثر الخطآ / منـك صابر

لا جتي طيوفك اغمض عيوني وأنام=مابي أخونك معاها شوف كيف الغلا

الوصل مرهم كبد وإلا الجفا حـرق=والصبر ينفض في غيابـك جيوبـه
كسرت كل أبواب وصلك من الطرق=وغيرك طرق قلبي ولانيب صوبـه