موقع الشاعرغازي البراك موقع الجميع - قصيده قصيره ولكنها تسوى الف قصيده طويله

- القصايد المنقوله (http://www.gazialbrak.com/vb/forumdisplay.php?f=109)

- - قصيده قصيره ولكنها تسوى الف قصيده طويله (http://www.gazialbrak.com/vb/showthread.php?t=2436)

رد: قصيده قصيره ولكنها تسوى الف قصيده طويله

اقتباس:

المشاركة الأصلية كتبت بواسطة ذيب ابانات (المشاركة 21978)

والواحد اللي لاكريم ولا حكيم ولاشجاع = مفروض يعطي ثوبه الحرمه ويلبس ثوبها
وش قصدك -فيه حريم افضل من مائة رجل يجب على الشاعر ان يراعي حقوق الجنسين من رجال ونساء لان المراءة مكمله للرجل اتمنى ان لا ينقص في حق المراءه 0000هاوي تجد اكتب مايروق للجميع ولا تكتب ما يروق لسعادتك تحياتي
ملاحظه
انتصاري لاخواتي النساء من باب حقوق المراءة

ياهلا فيك ياذيب ابانات ومن طول الغيبات جاب الغنايم
وبعدين ترى ماهو انا شاعر القصيده شاعرها ( وصل العطياني العتيبي )
لذلك وجه سؤالك للشاعر وصل .
وانت شايفك تهتم بالنساء بعد هاك الهوشه وش السالفه
تقبل تحياتي .

رد: قصيده قصيره ولكنها تسوى الف قصيده طويله

اقتباس:

المشاركة الأصلية كتبت بواسطة هاوي نجد (المشاركة 21472)

السلام عليكم مره ثانيه
شكلي ازعجتكم
بس هاذي القصيده كامله نزلت بناء على طلب اخي الشاعر / راشد رباح
امل ان تحوز على رضاه ورضاكم ودمتم سالمين

العمـر يفنـى والحيـاة أحـلام والدنيـا متـاع

يا كـمّ نفـسٍ روّحـت مـا حقّقـت مطلوبهـا

يا منخدع في ضحكة الدنيا ترى الضحكة خـداع

لا تأمن الدنيا ولو تضحـك لـك مْـع جنوبهـا

إن ما تغانمت المراجل قبـل ساعـات الـوداع

بَعَد وفاتك ماهي بصوبـك ولا انـت بصوبهـا

والمرجلة ماهيـب سلعـة تنشـرى والاّ تبـاع

كم ناسٍ يقومون ويطيحـون مـا فرْحـوا بهـا

اللي مولّع بالضيـاع يـروح لـدروب الضيـاع

واللـي مولّـع بالمراجـل مـا يغـرّ دروبهـا

الطّيب بيِّن ومتعيِّـن مـا علـى وجهـه قنـاع

لكن بعض النـاس عميـا والجَهَـل عذروبهـا

والغيب ما يُعلم لكـنّ العقـل سِيـد الإختـراع

ليا اشتغل عقلك عرفت النـاس وش ف"قلوبهـا"

وإن كان ما انته مستفيد من الدّماغ الاّ الصّـداع

ما غيـر حـظ الصّيدليّـة مـا تبـور حبوبهـا

لا صرت ما تتعب على ( والنِّعم ) قدر المستطاع

صدّت ولفّت لك ظهَرهـا واعْطَتِـك عرقوبهـا

وليا تملّكْت الكـرم والحكمـة وطـول الـذراع

لا تشغلـك نفسـك تـراك اعطيتهـا ماجوبهـا

والواحد اللي لا كريـم ولا حكيـم ولا شجـاع

مفروض يعطي ثوبه الحرمـة ويلبـس ثوبهـا

بيض الله وجهك اخوى هاوى نجد

صح لسان الشاعر وصل
وتما التثبيت
احترامً لك واحترامً لشاعرها واحترام للقصيده

رد: قصيده قصيره ولكنها تسوى الف قصيده طويله

شكرا على النقل الجميل

رد: قصيده قصيره ولكنها تسوى الف قصيده طويله

بيض لله وجهك على النقل

رد: قصيده قصيره ولكنها تسوى الف قصيده طويله

صح السانك ياهاوي نجد

مشكوووووووووووووووور

رد: قصيده قصيره ولكنها تسوى الف قصيده طويله

عزالله أنها عن الف قصيدة وصح لسانك على تسميه واعتلا شانك على النقل
وصح الله لسان من قالها