عديت في راس الطويله وهايفت = من ماتشوف عيوني اليوم خايف
مديت دربيلي وحولت وانكفت = عديت مشتاقٍ وحولت عايف
ياليتني من عالي الرجم ماشفت = مرحان بدوانٍ عليهم حسايف
من همهم قمت وفرشت وتلحفت = وهلن دموعي فوق خدي ذرايف
ونزلت من مرقاب همي او وقّفت = على امراح المترفات العفايف
على المكان اللي جمعنا تعرفت = يوم الطفوله واجتماع الولايف
أنا اشهد أني في مكاني تكلفت = واجهت في ذكرى المكان الكلايف
وعلى الطويل اللي رقيته تحسفت = وأنا قبل مارقا حمولي خفايف