اثرك جالك بطين ونبت لك صره=يوم اني ازهم عليك ولا تحاكيني
ورثت ورث العجوز وجيت مجتره=وصنفت نفسك من اصحاب الملاييني
بالله ابنشدك كم مره وكم مره=يجفونك اقرب بني عمك وتاتيني
تشكي من الفقر وتعاني من الحره=واقوم واقسم معاشي بينك وبيني
واليوم تركب على المرسدس وتفره=كنك حفيد الأئمه والسلاطيني
لوك بدال الامريكي عالم الذره=يمديك اكلت الزوالي والبطاطيني
يعطيك من خيره ويكفيك من شره=عقب التكاسي وعقب الفقر والديني
ان كان نفسك من المليون منغره=تراك خسران فالدنيا وفالديني
الله هو اللي يسر العبد ويضره=والا انته اربع حروف ٍ بين قوسيني
تراك مازلت تتبعنا على الجره=من عاد حنا على ظهور البعاريني
قوم يدينا تحوش المال وتكره=على بيوت الارامل والمساكيني
لو نملك الكون من بحره الى بره=مانمتلك به عمارات ودكاكيني
وان كان نفسك من المليون منغره=يكفيك وانا بياض الوجه يكفيني

رقمـك نسيتـه والسبـب هـو تغليـك=وبكـره مـع الايـام بنـسـى غـلاتـك
لا تلومنـي لا قلـت برحـل وخليـك=صعبـه علـى رجـال يقبـل سواتـك
اوفيـت فـي حـقـك ودايــم اداريــك=حتـى همومـك شلتهـا مـن حيـاتـك
ماخنت حبك صاين الحب شاريك=حلفـت ماخونـك ولـو فــي ممـاتـك
المشكلـه أنـي جيـت كلـي وباقـيـك=والأعظـم أنـي مدهـر فــي بهـاتـك
سود الجدايل مسك يازيـن تكسيـك=والتـوت نابـع يالغـلا مــن شفـاتـك
تذبحني الضحكة ورمشك وعينيك=حتى الغنج لامن خلط وش وشاتك
(لكن خساره يجتمع هالحـلا فيـك)=(ماينفعك حسنك خسـارة صفاتـك)
لا تعتقد بسكت وبضحـك وناجيـك=وقـول لـك شاطـر فديـتـك حـلاتـك
أنا عزيـز النفـس صعبـة أجاريـك=(محمد) انـا ياهيـه مانـي عباتـك
تبعـد عليـك أصيـر خـاتـم بيـاديـك=حتى ولو روحي هجرتني وجاتـك
غلطة زماني يوم جيتـك وناصيـك=وثـرك أنانـي طبـع وتـحـب ذاتــك
لا تلومنـي لا قـلـت ببـعـد وخلـيـك=صعبـه علـى رجـال يقبـل سواتـك

عرفنا من الدنيا صديـق القسـا والليـن=ومصير الرجل يِبحـث خفـاه ونهاياتـه
ومن سَمْع ما هو مثل من شاف بالثنتيـن=ولا كل مـن يـروي تصـدق رواياتـه
ومعدن رديّ الساس وقت اللـزوم يبيـن=ومعدن عريـب الجـد تظهـر علاماتـه

‏​‏​البارحه ياروح روحي خنجر عتابك حديد=توميبها ولياسهمت بين الضلوع اركيتها
حكم الغلا خلاك تطعني ونا إلي مستفيد=فديتك انت وكل طعنه من يدك فديتها
محبتك تجري في دمي من وريد إلا وريد=بين الضلوع العوج بخشتها وقلبي بيتها
لينتلك قلبن لغيرك مايلينه الحديد=ولديتلك عيننا لغيرك مابعد لديتها
غنيت فيك الشاردات النادرات أمن القصيد=إلي تثير الصمت في الجمهور لا عديتها

راقي بذوقك وقلبك بالوفاء راقي=وطيبتك لو وزعت عالناس تكفيها
شلتك بعيني وشلت الحب باعماقي=والروح من الشوق غنت لك اغانيها
يادوحه غرامي وزهر الحب باوراقي=تضماك عيني وشوفك بس يسقيها
احمل خفوقي واسافر لك باشواقي=وأغلف لك اجمل مشاعر حب واهديها

ليل الغرام اللي فقد همسة شفاك=ماعاد ينفع لو تلحفت صمته
اكسر قيود الصمت وسمعني حكاك=قول الذي في خاطرك لاعدمته
وخلني احب الشوق واصير وياك= تلميذ وانت استاذ عشق حشمته
اسمع واركزفي كلامك ومبداك=واقول فاهم لوني ما فهمته

الموقف اللي جـر حـزن الطواريـق=لـو مايسلـي خـاطـري مابديـتـه
طعنـه ولكـن طعنـة(ن) بالمعاليـق=ماهـوب جرحـن لاسمرنـي كويتـه
من اول اضحك لو على خاطري ضيق=واليوم ضـاق الصـدر واهتـز بيتـه
حصاه طاحت من حصا قمـة طويـق=مـن بعدهـا رجـم الغـلا مارقيتـه

دنيتي من غير حسك سطر خاااالي من الحروف=ينتهي الاحساااااس فيني كالجسد من غير روح
لا تظن صمتي غيااااب او تجااااهل او ظروف=انت شي في حيااااتي ما يتعوووووض لو يروح