موقع الشاعرغازي البراك موقع الجميع

الله الله طاروق كايف وهذا دايم اللي نبحث عنه حقيقه شدني الطاروق رغم غموض المعنى المقصود وانا اعجبني الفتل القوي من الواصل والنقض الرهيب من بطاح في بيتين

يقول الواصل

ارفع نظر عينك لياقمة طويق = وتشوف بالقمه تهل الغمامه

شوف التركيب والابداع يقول الواصل شوف اكبر شاعر موجود عندكم بالمنتدى وقد يكون الواصل يقصد غازي البراك لانه صاحب الموقع واكبر اسم وله صلاحيات اوكان يقصد شاعر اخر بالمنتدى المهم يقول شوف اكبر شاعر بالمنتدى اللي هو الموصوف بطويق وشوفني فوقه وافضل منه وامده من الشعر اللي عندي ووصف الواصل نفسه بالغمامه ارجعو للبيت مره ثانيه

ارفع نظر عينك لياقمة طويق = وتشوف بالقمه تهل الغمامه

شوف رد بطاح الذكي ماجحد شاعرية الواصل يقول بطاح

سحاب صيف مر مابلل الريق = وطويق للغادي دليل وعلامه

انت شاعر مثلك مثل غيرك تروح وتجي لكن لارحت مالك اي اثر ولالك مجد مثل سحاب الصيف اللي يمر بسرعه ويختفي ولايسقي الارض اما طويق وهنا لاندري هل بطاح يقصد ان طويق هو غازي او يقصد نفسه والاقرب انه يقصد نفسه ويرى نفسه انه اكبر شاعر موجود هنا لان شعار المحاوره بالعاده يحبون يمدحون انفسهم هههههه فيقول انا طويق الثابت فالغادي يستدل بي بالشعر وعلامه واضحه بمعنى ان كل الناس تعرفني وانا ثابت لااتحرك

اعجبني هالبيتين وعلقت عليهن لاكتمال جوانب الشعر من فتل ونقض وابداع في هالبيتين والطاروق ايضا كان كايف