الرياضي ماخبرته على المعنى فطين = مير ابا اخذه معه واعطي على قد اجهده
انت مع صياف خلك على الدرب اليمن = لاتياسر مع دروباً عليك مبعده

كان مدت صاحبي ياجماعه فلقتين = اشكره والا انصحه قبل لاتحذف يده
المقاصد بينه مابها شياً دفين = وكان عدت غانمه صل لله واحده

انت تاخذ من سعة بال والفايت حزين = مرتك مثل السهم وهي عرجا ومقعده
كل مانبهك ودي تعرف الوجهتين = لاجل تاخذ حذر من صبح بكره وابعده

انت بالميداين ومعرض لزينن وشين = والسحاب اتشوف برقه وتسمع لرعده
لاتقرطع باسعن قبل تاخذ جغمتين = كان جازالك طعم قبل تشرب برده

انت زهرة مورقة في غصون الياسمين = بس مادري وين حس الطيور المنشده
زانت اعلومك وتصبح على خير ويقين = كان طال الليل ضبط فراشك وارقده