تدري انك لو تروعني تهدي روعي= عين تضحكلي وعين احداقها محمره

توهم السنه بقصر الثوب واصلك شوعي= مير ماتنجّس طعام المسلمين الهره

حاجة المصلاح وشهي في ظهر زعزوعي؟= غير كان القيض حمحم واحرقه في حره؟

قلتلك لاتضيّع المفتاح يالمصدوعي=واهترشت من الجرب يا لعنبو هالفره

تحسب اني لاوردت العد يقصر بوعي=وان خسرتك ناظر اصحاب الوفاء مااسره

والله اني ماارخي الهامه واطش اسموعي= لو تشب النار في بحر الخليج وبره

ماظريت انطح خصيمي في طشاش ادموعي=عادتي فوق النقيع المستهيش اجره

استلم عقب وصلني ردك المطبوعي = ارمد العينين يبشر كل يوم اذره
روح ياشاعر شمل عدك على ميقوعي = لين تبرد من ضما ها كبدك المحتره
لاتحاول مانفكك لين تمشي طوعي = لا خضعت اجمع طشاش اعلومك المنثره
غط خشمك بالبحر واشرب منه قرطوعي = يابعيرن ماعرفنا مقدمه من خره
انت مثل الشاعر الي ضاف ابن جدوعي = يوم قلت حيلته عود يبيح سره
لا تعرض لشمل في ثوبك المرقوعي = انثبر لطلع غسيلك للعرب وشره
تو والله مادريت انك خبيث اطبوعي = الهوىقامت تصافق ذر بيتك ذره
نعرف الشي المباح ونعرف الممنوعي = والسهوم المرسله مضرابها بالغره
مانلومه جاء على درب الخطر مدفوعي = غره الي قاله قبل امس لله دره

حرك الغربي غمام البارق الفاجوعي = واستهل الغيث وامطر فوق حبة بره
كانها نبتت ماجبت لظلال فروعي = وكانها غرقت عساها ماتعود مره
النبات الي علي سطح الوطي مقلوعي = كل ماهب الهوا يجتثه امن امقره
وانت يالي في طرف جرفن طويل امقوعي = كيف بالمهياف مرغم تامن واتتشره
مثل مايشره علي كف الصقر جربوعي = يوم فالبيدا قبل مغيب شمس يخره
ابك ياشملان لملم قشك المرثوعي = واسحب اذيال الهزيمه رغم انفك مكره
والله انا ماعلينا منك يالقرقوعي = لابغينا نطفي الرادو ضغطنا زره
تحسب انك للعوافي يالخبل ماتزوعي = عارضن جنبك علي القرار حتي قره
خوذها مني وقلب وجهك المصفوعي = وان عرفت العلم والا غر خشمك غره
من بعدها لاتفتح حلقك المشموعي = ولا تعاود عرتك هلون يابو عره

المشاركة الأصلية كتبت بواسطة النمر (المشاركة 63818) الاخ الاعشى صح السانك ياليتك ماعرض نفسك للمشاكل وانت براحه ياخي العزيز من تعافى فل يحمد الله على العافيه تقبل تحيات اخوك النمر