من جيتي في موقعك يابن براك=وانا وحوثي الرشيدي طلابه
مدري كذا سويت في كل من جاك= وألا عليه بس حرب العصابه
صبرت صبر ايوب لاجل اكسب ارضاك=ومجادل الجهال صكيت بابه
حتى اسمي الغالي تركته فداياك=وانا خفوقي مايعالج صوابه
ابيك تنصف مير كثرت خطاياك=خليتها تسري مسار الذيابه
جاملت ابن عمك على حساب ذولاك=ما هو على بالك شعور القرابه
والناس شرهتها على مثل شرواك=ما هي على اللي ما حسبنا حسابه
ياحيف يوم العمده اغوى وغواك= وانت اتبعته في خطاه وصوابه
ما قال يارجال حياك حياك= واليا قضى ماجوبنا جاب مابه
يردها للطيب وعيال براك=ويردها لاهل القنا والحرابه
ويشوف راي اهل الوفا لاعدمناك=من قبل لاتنثر عدوله زهابه
اما تركها غفل وتصير بحماك= وألا حناها حني قوس الربابه
وانا ماوردها على حوض الادراك= مادامها بين النبي والصحابه