ياهجـوس الشعـر لاناديـت لـدي صوبـي=قربيلـي واسبـحـي فبـحـور شـعـري مــده
قربيـلـي لـيـن أكـمـل بالشـعـر مطلـوبـي=ومـدح اللـي يستحـق المـدح راع الـرده
كـل شاعـر لـه سلوبـه وانفـرد بسلـوبـي=والشعر مثـل البحـر جـزره يخالـف مـده
هـاك خـطـي ثــم حــرك فـيـه يامنـدوبـي=وصلـه بـدر نـشـاء باـسـرع وسيـلـه وده
يمكـن انـه مايضرك حمـل هـالمكتـوبـي=مـن يـدي ليديـك أمانـه غيـر ياصـل يـده
وصلـه يـم الرفيـق الـلـي يـسـد النـوبـي=عامل(ن) بي طيب والواجب علي أعـده
يوم جيته بالظروف اللي تقـص اجنوبـي=قـال عنـدي عـن رفيقـي ماتجوزالـصـده
اشهـد انـه بالشـدايـد ماقـفـه محسـوبـي=قـال قـول(ن) يـوم قـالـه والله انــه قــده
لابس(ن) كل المراجل مثل لبس الثوبـي=شي كسب يديه وأشياء ورث أبوه وجده
والحقيـقـه ماتغـاربـهـا مـــن القعـبـوبـي=خابر(ن)وقفاتهم وقـت الرخـاء والشـده
والله انـي ماهرجـت الهـرج بالمقلـوبـي=والكلام اللي يجي معكـوس لاقـف ضـده
والـخـتـام الله يـغـفـر ذنـبـكــم وذنــوبــي=بالـنـهـار الـلــي لابـــد نـواجـهـه لابــــده
يوم كلا ًواقف(ن) فـي ماقفـه مرعوبـي=ضايق(ن) صدره ويرجي مد جزل المـده