سلام وطحيمر يبا يهجد معازيبه هجاد=لو إنها ماهي من طبوعه ولاهي عادته
لكن ظروف المعركة تجبر راع الراي السداد=إنه يحط العقل وقت الحرب تحت وسادته

يامرحبابك بنيابه وانت طرقي بالبلاد = لازم نعرف اديانته حتى نعرف اعبادته
اجل على هالحال يبقى العقل في راس الجواد = حتى تسندبك بوادي جاهزه صيادته

دام البقا بمعرضٍ وجهه ذعاذيع البراد=ماهي بيمه مير تقل إن القرادة نادته

أصلحك ربي ليش تحشر خشتك بين العباد=ماهو لزوم تقود شي ماتعرف قيادته

الله لايسمح من يحطون الكماوي للجراد = لو الجراده لاكلت من وادي اخضر زادته
يطحيمر الله يعتقك لو حط في ظهرك شداد = يبقى الشداد اشداد وطيحمر يعرف سيادته

الله لايسمح من وثق فيك و عطاك الاعتماد=لين إن بيته طاح من سيسانه ليا اعمادته
عرضت نفسك يابيض الشارب دروب الانتقاد=الله يعين الشايب العايب على نقادته

بانت علومك كلها هلحين ماعندك عتاد = ليت المريض يحمد ربه عند باب عياته

أن احمد الله وجهي ابيض ماعرضته لاسواد = واللي سواتك خانقن حلقه بصغر اقلادته