إهداء إلى قبيلتي العزيزهـ

هذا المكان الاول اللي صارعت فيه الجدود = قدام سبع امية سنه وتزيد تسعه وعشره
يوم أنها بالسيف أبو حدين والسايد يسود=نطع ونطع خصمنا لكن ما نطعن بظهره
نحطها بين العيون ونبتر أطراف الزنود= وأن ما قضا بالاوله الثانيه وسط نحره
لا كبروا فرسان عبس ولولشن بيض الخدود=والموت صار احلى مذاقه من نبات السكره
وتسابقوا والموت يقرع بالحناجر والكبود=يا حلو يا دح قفوشهم والقاع حمراء وغبره
يوم القبايل عن مواطنها ومواردها تذود=الله وكيلك ما خذوا من دارنا ربع شعره
قدام أخو نوره يصبح نجد وركابه تعود=من دار أخو مريم ويعلن عن وصوله وسفره
ويقدم على باب الحكم ويكسر أقفال القيود=الباب الاول يشلعه والباب الآخر يكسره
ويطهر أرض المملكه من كل مختالً جحود= ويحكم على شرع الكريم اللي سجد له وشكره
واليوم تنعم مملكتنا من الحدود ليا الحدود = في ظل أبو متعب وأبو خالد رموز المفخره
ولا اقول بأن أفعالنا عن ساير العالم تزود = لن البشر رغم أختلاف الدين من رجل ومره
لكن تميزنا بحفظ العهد لاصحاب العهود=وإذا العهد وصل الكرامه والمحارم نهدره