ههههههه ياهلا يامرحبا بالصاحب الغالي انا ادري انك تقهوى عند الربع ومستانس ودورها من الله وانا متعني مع هالطرق السريعه

لكن يعلم الله انك اول واحد ذاكر علي لكن انا متعمدها ابشوف ردك وش تقول لاني ادري ان الزعل ماله مجال بينا وكان ردك كماتوقعت

((ماينقالك شي يابن الجزيره هههه))

لكن اسمع العلم اللي مابعده علم

من بيننا مافيه شك ن ولاريب = يابن الجزيره ياعريب المجاني

وشلون ابنسى صاحبي راعي الطيب = اللي اعده واحدن من خواني

لاجيت تبشر بالغلا والتراحيب = وان رحت ترجع للضلوع المحاني

غالي واعدك من خيار الاصاحيب = وانته رفيق ن لابغاني لقاني