تـوك تذكـر مـن علـى العالـم أغــلاك=تـــوك تـجــي وتـقــول يـاشــوق قـلــه
مادام خنت اللي من الناس صافاك=وخــلـــى غــرامـــك دولـــــةٍ مـسـتـقـلــه
أعطـاك مــن وده وياكـثـر ماأعـطـاك=وغـيــرك يـمــوت ومـنـزلـك مـاوصـلــه
يـدمـح لـــك الـزلــه وتـكـثـر خـطـايـاك=ويــــــداوي الــعــلــه وتـــرجـــع بــعــلـــه
مـن بعـد هـذا كـيـف تبغـانـي أهــواك=وانـــت الـــذي مـايـرفـق بـحــال خـلــه
خـلاص مابـاقـي مـعـي غـيـر ذكــراك=حتـى أصبـحـت عـنـدي بقـايـا ممـلـه
أوادعـــــك قــبـــل ابـتــعــد واتــنــاســاك=مـافـيــه رجــعــه لــــوّ دمــعــك تـهــلــه
رح في مشاوير الجفا سيـر اخطـاك=رحـلــه سـعـيـده يـالـرمــوش الـمـظـلـه
عــزمـــت بـالـفـرقــا ولاأريـــــد لـقــيــاك=والــحـــب بـاسـبـابــك كـرهــنــاه كـــلـــه
أبعد من النجمه علـى لمـس يمنـاك=شــرواي فــي حـلـو الحـكـي تستغـلـه
لاعـاد تنشدنـي وش أسبـاب فـرقـاك=مـافـيــه إجــابـــه رح ودربـــــك تــدلـــه

مهما حصل فرقا ومهما حصـل صـد=تبقى القلوب انظاف من كل الاحقاد
لابــــد مـانـغـلـط مــــع الــوقـــت لابـــــد=غلطـات ماتحـصـى ولاتعـدهـا اعــداد
ولابـــد مـانـرجـع ومــافــات مــــا يــعــد=يعنـي يصيـر امـع الزمـن كبـوة جـواد

ايو الله اني من الضيقه=جيتك وابا احكي معاناتي
شاعر لاغنا طواريقه=تخضع له اجزال الابياتي
الوصل مابل له ريقه=عطشان في كل الاوقاتي
مابين جمعه وتفريقه=افواج راحت ولاجاتي
البعد والصد ما اطيقه=لاصار منك انت بالذاتي
جرحك تفنن بتطبيقه=كنك موصى بطعناتي
خف خالقك في مخاليقه=يكفيني اللي منك فاتي
حبك قديمه.. مواثيقه=ما يبغي شهود واثباتي
ولو طوّل البعد والضيقه=تموت ما تشوف

يـاخـلـي ارفـــق بـحـالـي قـبــل لا أولّــــي=ويضـيـع مستقبـلـي كـلـه مــن اسبـابـك
من يـوم شفتـك بـدا الخاطـر بـك يهلّـي=هـلــيــت بــــــك والـــغـــلا دوم يـتـغـنـابــك
تعـال فــي وســط قلـبـي سـولـف وقـلّـي=الـقـلــب دارك مــــن الاشــــواق حـيـابــك
آمــــر.. تـدلـل..فـديـتـك يـالــغــلا كــلّـــي=أغلـيـك مهـمـا سلـيـت وطـــول غـيـابـك
والله أحــبــك ومــعــك الــربـــط والـحــلّــي=خـذنـي عـلـى كيـفـك انــا سـيّـد احـبـابـك
لاتـصــيــر بـالــحــب مـتـكـبــر ومـتـغـلّــي=عطني خمور الغلا واشرب من اكوابك
الــمــر لــــو تـلـمـســه بـيـديـنــك يـحــلّــي=وشــلـــون لاجــابـــك الــحـــظ وتـهـنـابــك

الخاطـر اللـي صابـه الهـم والضيـق=مـــن كـثــر مـاصـابـه تـعـقّــد مــزاجــه
صـارت دروبـه قـدم وجهـه مغالـيـق=مــن ويــن مـاوجّـه غـبـار وعـجـاجـه
ماأدري ذنوب أو قلة(ن) بالتوافيق=او كــل هالضـيـقـه عـلـشـان حـاجــه
احـيـان مايـواطـن جمـيـع المخـالـيـق=يلقـى ببعـض النـاس زود انزعاجـه
عشره من الميه رجال(ن) مطاليـق=وتسـعـيـن بالـمـيـه لـقـاهــم سـمـاجــه
لاتــغــرك الازوال مـنــظــر وتـلـفـيــق=شكلـه صقـر واليـا بخصتـه دجـاجـه
هذي حقيقه ماهي ضحكه وتعليـق=بـيـر(ن) قــراح وبـيـر مــر وهـمـاجـه

الـجــو هــــادي والـمـشـاعـر تـنـاشــد=ويـن الحبـيـب الـلـي مـطـول غيـابـه
مـــرت شـهــور ولالـفـانــي عــنــه رد=وحـط الغيـاب بوسـط صـدري زهابـه
يطعن بقلبـي طعنـة السيـف ابوحـد=والـــدم يـنــزف والـعـواطـف مـصـابــه
غير الجروح اللي ماتحصى ولاتعد=وغيـر الـحـزن والـهـم هــو والكئـابـه
وانا على درب الصبر صـرت منحـد=اصـبـر عـلـى بـعـده وقـسـوة عـذابــه
يـامـا عطيـتـه بالـغـلا صـافـي الـــود=ويامـا كتبـت الشعـر باغـلـى كتـابـه
يسقي عروق(ن) من ظماها تناهد=عطشـا سبـب بعـده وطـول اغترابـه
ان كــان راح وقـصـده بغيبـتـه صــد=والله مـــاأمــــره ولاابــــغــــا الــلــقــابــه
لــو أن حـالـي مــن سبـايـبـه مـنـهـد=ياكم من جرح(ن) وجـرح(ن) لفابـه
وان كـان جـانـي وانبـنـا بينـنـا الــود=ماتـت جروحـن عايشـه فـي غيـابـه