موقع الشاعرغازي البراك موقع الجميع - عـذب القـصيد _ قصآئد مختاره _ ابيات رائعه

- القصايد المنقوله (http://www.gazialbrak.com/vb/forumdisplay.php?f=109)

- - عـذب القـصيد _ قصآئد مختاره _ ابيات رائعه _متجدد (http://www.gazialbrak.com/vb/showthread.php?t=12892)

رد: عـذب القـصيد _ قصآئد مختاره _ ابيات رائعه _متجدد

للخيـل خيالـه و للحـرب فرسـان= وللضـد ضـد وللسلايـل سـلايـل
حنا هل الوقفـات فـي كـل ميـدان= أهـل العـزاوي متعبيـن الأصايـل
يا ما ركبناها بلا سـرج وعنـان= ويـا مـا ردعنـا فوقهـا كـل عايـل
ويا ما حذفنا الروس من فوق الأمتان =ويا مـا سترنـا ناقضـات الجدايـل
وحنا نفـك رقـاب ونحـرر أوطـان =ونعـدل الوقـت الـردي لا تمايـل

رد: عـذب القـصيد _ قصآئد مختاره _ ابيات رائعه _متجدد

يا الله ياللي تغسل الارض بسيل
تغسل قلوب اهل الحسد من حسدهااا

رد: عـذب القـصيد _ قصآئد مختاره _ ابيات رائعه _متجدد

وش هقوتك / ياكاتم الصدر لا ضاق ..!!
هو ينفعه لا قلت : .. خلك شمالي ..؟؟

لو القصايد .. كلها .. ( مجامل اذواق )
ماطاح دمع ../ ولاتذكرت .. غالي ’’

رد: عـذب القـصيد _ قصآئد مختاره _ ابيات رائعه _متجدد

خذ إختصآر الحب والحب غــّلآب
..................... أمـّـآ مع‘ـك ‘ وإلآ بلآش المخـــآليــــــ‘ـق

رد: عـذب القـصيد _ قصآئد مختاره _ ابيات رائعه _متجدد

لو هجرتگ بالوصـل كل تفكيري معاگ
أنت في قلبي مكانك غ ــيرعن گل البشر~

رد: عـذب القـصيد _ قصآئد مختاره _ ابيات رائعه _متجدد

ودعتك الله لو على قلبـي اخطيـت
وحاربتني من دون ذنـب وخطيّـه

احسبك تذكرني إذا اصبحت وامسيت
واثرك على فرقـاي نفسـك هنيّـه

الله واكبـر كيـف عنّـي تخلّيـت
من بعد ما علقت روحـي البريّـه

وش غيّرك وش بدّلك ليه صدّيـت
وانت الذي بالقلب نبـض وهويّـه

من هو بقى لي بعدما عنّي اقفيـت
وقدمتنـي للحـزن اثمـن هـديّـه

كلـش تخيلتـه ولا يـوم ظنيـت
إنك لحـد غيـري ولانتـاب ليّـه

ويلك من الله كيف بالحب ضحّيـت

قلبك حجر مـا حـنّ يـومٍ عليّـه

اللي بنينا بْعمر فـي يـوم هدّيـت
واحلامنـا مـا عـاد منهـا بقيّـه

اتعـد غلطاتـي إذا يـوم زلـيـت
من دون مدري .. وين ذيك الحميّه

مافيه معصوم الخطا لـو تحريـت
ولا فيه كامـل غيـر رب البريّـه

ولو ما احبك ما نشدتك ولا اطريت
بعـدك وصـدك وانتخيتـك نخيّـه

ترجع لقلبٍ يـوم بالعقـل حبيـت
وتترك هل الأحقاد واهـل الوشيّـه

خايف عليك وخايفٍ منـك ياليـت
مايوم حبيتـك وصـرت الضحيّـه

لا نيب حي بعد هجـرك ولا ميـت
ولا ني مريض ينعـرف بالشكيّـه

لكنـي ادرى بحالتـي لا تـرديـت
ولا ينفـع الملتـاع طبـه وكيّـه

مالي سوى اللي كلمـا راح ناديـت
يا كـود يسمعنـي ويرجـع إليّـه

رد: عـذب القـصيد _ قصآئد مختاره _ ابيات رائعه _متجدد

ما يرضي الزعلان يا كود ثنتين ... حبة خشم ^،^ ولا على الصدر ضـمـه :*

رد: عـذب القـصيد _ قصآئد مختاره _ ابيات رائعه _متجدد

حال الهوى احوال كل يوم يجيك بحال

ولو الصبر بك طال بكره الفرح تلقاه..

رد: عـذب القـصيد _ قصآئد مختاره _ ابيات رائعه _متجدد

سولفوا تكفون لا عاد تسكتون ..
. . قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي